Mbunge CCM Amwagia Sifa Alikiba Bungeni "Nikiingia Kwenye Gari Napiga Nyimbo za Alikiba tu Hadi Nashuka"

Siku chache baada ya kuteuliwa kuwa

Katibu Mkuu wa CCM, Dk Bashiru Ally

amesema ni mpenzi mkubwa wa nyimbo

za msanii wa Bongo Fleva, Ally Kiba.

Akizungumza na MCL Digital katika

mahojiano maalum, Dk Bashiru amesema

hata dereva wake anafahamu kuwa

anampenda msanii huyo na kwamba

akiingia katika gari hupiga nyimbo za Ali

Kiba hadi mwisho wa safari yake.

“Kwa upande wa wasanii, mimi napenda

sana nyimbo za Ally Kiba, dereva wangu

ameshajua nikiingia kwenye gari anapiga

tu nyimbo zote zinafululiza mpaka

nashuka,”amesema.

“Ila sijui kama Ali Kiba ni mwana CCM

ama la. Sitajali kama ni mwana-CCM

kwasababu nyimbo zake zinafanya kazi

niliyoisema ya kujengea watanzania hari

ya kujiamini.”

Amesema wasanii wamewapamba sana

Watanzania kitaifa na hata kimataifa na

kwamba hata nafasi ya waafrika katika

tasnia hiyo iko juu jambo ambalo limeleta

heshima.

“Mimi sijali mahadhi kama ni ya kigeni

ama kikabila kama ni ya Kiswahili kama

ni taarabu ili mradi una maudhui kuna

ujumbe. Na ndani ya CCM sisi

tunadhamini sana sanaa na tunakitengo

maalum ambacho kipo chini ya uenezi

kinaongozwa na Polepole (Katibu wa

Itikadi na Uenezi Humprey

Polepole) ,”amesema.

Amesema ndani ya chama wana kikundi

cha TOT na Vijana Jazz ambavyo

anataka viimarike na kufanya kazi ya

kukitangaza chama kuhusu mazuri ya

nchi.

Amesema bila ya kuwa na michezo, Taifa

halitatambuliwa, umoja hautokuwepo na

hata hatua za maendeleo

hazitatambuliwa na mataifa mengine.

Amesema CCM wanamiliki viwanja lakini

bado haviko katika hali nzuri na kwamba

atajaribu kuwekeza na kuvifufua ili viwe

na mchango katika jamii. 

Bofya kupakua 

Bo-Charts Application