Uhuru kenyatta aruhusu maandamano ya kumpinga kuwa Kuwa rais

Rais Mteule wa Kenya, Uhuru Kenyatta

ameruhusu maandamano ya amani ya kupinga

ushindi wake alioupata katika Uchaguzi Mkuu wa

Agosti 8, mwaka huu.

Hatahivyo, licha ya ruhusa hiyo, Kenyatta

amewataka polisi kujizuia kutumia nguvu kubwa

na badala yake watoe ulinzi wakati wa

maandamano hayo, lakini akaonya kuwa Serikali

haitavumilia watakaoharibu mali za umma.

Tangu kutangazwa kwa matokeo ya uchaguzi,

kumekuwa na vurugu katika baadhi ya maeneo

nchini Kenya yakipinga ushindi wa Kenyatta huku

upinzani chini ya Mwamvuli wa NASA na

aliyekuwa Mgombea Urais wake, Raila Odinga

ukitangaza kutokubali matokeo hayo na kudai

kuwa ni matokeo ya tume ya uchaguzi

yasiyoakisi kura halisi za Wakenya.